Dr_Nour ادارة المنتدى
عدد الرسائل : 17 تاريخ التسجيل : 24/06/2008
| موضوع: قدام البحر بكيت الإثنين يوليو 07, 2008 12:35 pm | |
| قدام البحر بكيت
سألني مالي؟؟
قلت له
و أنت من أمتي بتسال عن حالي
قال
حالك أنا عارفه بس أنت إلي بتقوحي وعني بتداري
قلت
منا لازم أداري امال اسيب دمعي ينزل قدامه؟ و لهفتي و شوقي ليه ينكشفوا و يبانوا؟ ليه يا بحر ؟ ليه لما نحب بجد بنتساب و نظرت الحبيب لينا بتبقي بس أصحاب؟ سبتني أحبه ليه يا بحر ؟
قالي متلومنيش
أنت إلي سبتي نفسك و كلامي مسمعتيش اسألي نفسك و لوميها عن حلم سبتي روحك ليه و نسيتيها اسألي لسانك إلي عنه حاجة مخباش و مخلا ش سر جواكي ينحاش لومي عينيكي إلي فضحت كل إحساس فيكي كبير أو صغير و لمسته إلي كل حاجة فكيانك بتغير و نظرة عينيه إلي ديما فكرك بتحير لومي ظروفك و مخارج حروفك لومي عفويتك و برئتك لومي تلقائيتك و حسن نيتك لومي فكرك إلي خيلك انك لما تشركيه حياته و صحابه و عاداته تكسبيه و يحبك زى ما بتحبيه و اتاري انك كده و أنت مش حاسة بتخسريه لومي التصرفات إلي عملتيها معاه هو بس من غير اعتبارات لومي حنانك إلي غصب عنك مبتحسهوش إلا و هو فحضنه و تحت رجليه لومي قلبك إلي مبيفرحش إلا و هو بين أديه و دموعك إلي مش بتبان إلا قصاد عينيه لومي ضعفك إلي ملقاش غيره يستقوي بيه كل دة و الغريبة انه شيفك برضه زى باقي الناس عنيدة و شخصيتك قوية و نفسك عتيدة
رديت علي البحر و قلت له
ياههههه دانت كملت كلام كثير جويا مش قدرة أكمله أنا بس عاوزة اطمن عليه أحسه راضي و أشوف أولاده حوليه يارب يعيش سعيد و كل يوم يكون ليه أمل جديد و ألقاه جنبي لما احتاج إليه رد البحر و قال أنت عارفة غلاوتك عنده و إن محدش فهمك قده نصيحتي ليكي عيشي لنفسك شوية و خلي ضحكتك من القلب تنور تاني أحسن دي بقيت بردة و منطفية اصل هو بيعرف أمتي بتبقي من قلبك حقيقية و ابقي زى ما هو ظنك قوية | |
|